星期五, 11月 02, 2007

自由行

自由行開放多時,整個零售市場幾乎都受到不同程度的好處。

至於炒股自由行,因遲遲未能通車,對於股市的影響,暫時仍是未知之數。但國內股民基數大,他日真的開放,就算千分之一股民來港炒股,每人投放20萬元,流動資金都好幾百億。相信各證券行都心急如焚,準備迎接這班新客源。

馬沙在想,既然國內同胞隨時可以透過自由行到港,他們來港除了消費,組成買樓團炒樓,只要在港順道開個網上銀行投資戶口,豈不就成了炒股自由行。

近來股市成交額越見暢旺,就已經有好多報道說是中資資金偷步入市。報道是否屬實,馬沙就沒有辦法求證。但昨天晚上馬沙同一個行家飯局,行家就因為自由行投資者而遲大到。

話說昨晚7時許,行家成哥本已整裝準備出席飯局。突然有個熟客致電成哥,說他的世姪剛從廣州到港,有急事找成哥幫忙,並且十分鐘內到成哥公司。熟客當前,想推都唔得,唯有叫馬沙慢慢等。

成哥起初以為急事是大生意,可是當見到熟客及其世姪後,始知原來熟客的世姪只是急於在港註冊成立一間有限公司。問其原因,原來世姪急於炒港股,希望早過其他同胞一步,學同鄉來港成立公司,再用公司網上銀行投資戶口買賣港股。成哥好奇問問世姪會買哪隻股,世姪話第一炮是他們喜愛的內房股如富力地產(2777)及方興地產(817)。

馬沙成餐飯食得好開心,因我也持有方興地產(817)。

(11月2日刊於《am730》)

9 則留言:

匿名 說...

請問:

(一)
大陸同胞透過成立香港有限公司, 作為股東或董事, 再網上炒股(或申請IPO), 係咪犯左大陸法? (香港法應該冇觸犯)

(二)
賺到錢係咪應該納利得稅給香港政府?

(三)
若走佬, 稅局追不到稅款, 佢咪好著數?

(四)
若這方法行得通, 來一趟香港就可以了, 仲使乜等港股自由行開通?

(五)
銀行不會設限嗎?

(六)
其實世侄開個人戶口一樣可以網上炒港股, 成哥係咪特登唔提醒世侄呀?

洛克道股神

匿名 說...

依家都唔知有幾多咁既人落來開戶口, 我都識唔少. 使乜等資金自由行

匿名 說...

我試下答:

(一)
大陸同胞透過成立香港有限公司, 作為股東或董事, 再網上炒股(或申請IPO), 係咪犯左大陸法? (香港法應該冇觸犯)

----> 香港成立的有限公司本身係法人代表,用公司戶口網上炒股(或申請IPO),理論上是以香港成立有限公司之名義進行,同股東或董事完全無關。

(二)
賺到錢係咪應該納利得稅給香港政府?

----> 原則上係,佢地依法先算.....

(三)
若走佬, 稅局追不到稅款, 佢咪好著數?

----> 絕對係,現實中大把

(四)
若這方法行得通, 來一趟香港就可以了, 仲使乜等港股自由行開通?

----> 此乃事實,有錢中資早已用此法到港。資金自由行開通來的是小散戶及未知此方法的人。

之所以沙兄話世姪急於炒港股,希望早過其他同胞一步到位。

(五)
銀行不會設限嗎?

----> 點可能設限!

(六)
其實世侄開個人戶口一樣可以網上炒港股, 成哥係咪特登唔提醒世侄呀?

----> 早前已有官員表示,同胞來港開個人戶口炒港股,係香港冇觸犯法例,但在國內犯左大陸法規,因同胞原則上唔可以買H股。

用公司名義去做就當別論!

證卷行高層

匿名 說...

難怪近排咁多資金炒中資股啦.

匿名 說...

謝謝!

洛克道股神

若缺齋老人 說...

但早兩日有人提到一點:就算一千億流落香港,都只係一日成交量、總市值既一毛,會唔會高估左資金自由行既威力?當然心理因素係另一回事。

Cha Vi 說...

一直都有看你在am730的專欄
開了新blog...想不到你會來留言...好感動..

匿名 說...

下星期一跟你入少少 817! 目標價幾多?

馬沙 說...

股市有升有跌,千祈唔好人買就跟,自己睇清楚,投資額多少都好,要對自己負責。

星期一市場氣氛轉淡,大跌都未定。

817 係$5.2 應該有好大支持,市況就又再有資金炒內房的話,初步目標 $7 。