星期五, 11月 23, 2007

撈底兵團

港股昨天繼續下跌,曾一度跌穿26,000點,收市險收於其上。即月期指更是多日來首次以高水收市,是見底回升還是走勢陷阱,今天自有分解。大市上落幅度驚人,高位回落已近6千點,對於持有大量現金的投資者而言,想當然是樂事。

自從恒指由8月大升12,000多點以來,幾乎人人大賺,報章不停吹噓街坊股神誕生的事跡。但隨住本月大波動式調整,相信好多散戶開始損手。昨天有報道指一名小股民疑因近日投資失利,走去跳橋,炒股炒到險些送命,你話幾唔抵。其實目前如此大上大落,小投資者真係要好小心自己投入的資金,切勿過度投資,更加不可借貸。就算好有信心撈底,都應該以實力股為目標,因為大市若見底回升,實力股必定行先。至於各類衍生工具,大家都係少掂為妙。千萬不要以為用刀仔好易鋸大樹,現實是10把刀仔9把斷。

馬沙根據自己早前定下的目標,已於早前跌穿27,000點時投入四分一資金買入五隻中資金融股。雖然昨天已再跌近千點,但仍活得安心。如恒指未來真的要下試100天平均線25,375點,我會毫不考慮再投入另外五成資金。

值得參考的是香港股神四叔昨晚再露面,表示大市已經見底,自己亦已於昨天正式開始入市增持。仲話維持之前年底見3萬點咁話。不過馬沙比較想知四叔高位曾否沽貨,因為次次入貨大聲講,出貨唔出聲的話,散戶好難跟。

(11月23日刊於《am730》)

6 則留言:

匿名 說...

馬沙兄的意見真好,不只要叫人入市,最緊要通知何時出貨。

余若虛 說...

算啦,人地坐擁幾多千億身家,玩股票同你一般散戶都唔同玩法,聽佢講都多餘。

天曉 說...

馬沙你好http://hk.myblog.yahoo.com/kalayee1843
以下係一篇美聯既分析,我網上睇既,5知岩5岩你睇,同時想請你俾D意見,因為我都有D興趣,想了解係呢隻週期性股~THX

馬沙 說...

天曉兄,

嘩,咁鬼揚呀! 梗係啱睇,雖然已在現價開始收集中,不過我要慢慢研究完先可下定論。

馬沙 說...

天曉兄,

我冇佢咁樂觀,我初歩計07的預期PE約14倍,但我睇好另一外在因素,你應該知我講乜!

$9幾吸引,半年內$15應該可以吧,$20就要睇08年樓市走勢,但向好幾會好大。

買唔買,成年人要自己決定!

天曉 說...

THS馬沙兄回應~
其實我都無錢買了,已入了招行,人壽等~不過旨在學習呢類型股既特性而已!
因為5識估值,所以會認為現時既估價會5會已經超前反映08年既樓市發展呢~?
PS.經常到你同其他BLOG學野,有見提及所以留左高,5好介意^.^